الأربعاء، 6 يونيو، 2012

شكرا خالد سعيد







زي النهارده من سنتين استشهد خالد سعيد
خالد سعيد شاب مصري بسيط كان في حاله
هجم عليه بلطجيه مبارك والعادلي بحجة قانون الطوارئ
ضربوه لحد ما مات

خالد كان بداية او شرارة الثوره

طبعا كلنا فاكرين اليوم ده 6-6-2010
ده اليوم اللي اتوفي فيه خالد سعيد
ياتري فاكرين اليوم ده ؟
فاكرين خالد طيب ؟
انا فاكر كويس اوي 
قعدت فتره مهموم ومدايق بسبب الموضوع ده وكانت اول مره عيني تدمع من فتره
وكنت متابع القضيه والموضوع بشغف
ومكدبش عليكم كنت واثق ان اللي قتلوه هيطلعوا منها زي الشعره من العجينه
كنت فاقد الامل تماما ان ممكن يجي حق خالد
كنت متأكد ان حقه هيضيع زي غيره كتير ماتوا علي ايدين الشرطه ايام مبارك
وسمعت كمان عن اللي اتقال وقتها انه حشاش وتاجر مخدرات .... الخ
بس مصدقتش 
كنت واثق ان كل الكلام ده كدب وتلفيق منهم علشان يبرروا عملتهم كعادتهم

بس الحمد لله دم خالد مضعش هدر
وكان سبب واهم سبب من عدة اسباب لقيام الثوره
خالد وغيره كتير من شباب مصر دفعوا التمن دم علشان يحرروا البلد من كلاب مبارك والعادلي
وعلشان حريتي وحريتك وحرية كل مصري
وعلشان مصر تفضل نضيفه
وعلشان ننهي عصر الظلم والقهر
وعلشان ننهي عصر مبارك وامن الدوله 
وعلشان البلد دي تبقي احسن مما كانت عليه بكتير
وان شاء الله حقهم مش هيضيع
ومصر هتنهي عصر الظلم والثوره هتنتصر

شكرا لكل شاب مصري دفع التمن حياته علشان الحريه
شكرا لكل شهداء مصر والثوره
شكرا لكل مصابين الثوره
شكرا لكل خالد سعيد




ليست هناك تعليقات:

إرسال تعليق