الأربعاء، 11 يناير، 2012

فى ٢٥ يناير المقبل عيد ميلاد الثورة أم الذكرى السنوية؟


الناس اللي بتقول هتنزل يوم 25 يناير عشان تحتفل بالثورة
تحتفل ب ايه بالظبط
انهي ثورة اللي هتحتفل بيها !!
تحتفل ب ان كل شهر عندنا عشرات وربما مئات الشهدا اللي بيسقطوا في الميادين من ساعة ما مسك العسكر الحكم
واللي لسه دمائهم ماليه الميادين ( الشهداء )
ولا تحتفل ب المئات وربما الالاف اللي اتحاكموا عسكريا عشان بس قالوا رأيهم وانتقدوا المجلس العسكري والمشين
ولا هتحتفل ب بنات مصر اللي اتكشفت عن عذريتهم ولا اللي اتعروا في الميادين
ولا هتحتفل ب التخوين اللي بقي علي لسان المجلس العسكري لكل شباب الثوره


ولا هتحتفل ب فلوس البلد اللي سرقوها ولسه مش رجعت ولا هترجع لو استمرينا علي الحال ده لان ميش نيه اساسا لاستراجعها من قبل المجلس العسكري


ولا هتحتفل بالفاسدين وشويه الحراميه ولاد الكلب اللي لسه متحاكموش ولا هما ولا مبارك ولا هيتحاكموا طول ما مجلس العار بيحكم البلد 

هتحتفل ب ايه قولي وفهمني عشان انزل انا كمان احتفل معاك !!




انا نازل ..... بس مش عشان احتفل
انا نازل عشان استرد واستكمل ثورتي اللي سرقوها العسكر الكاذبون


ليست هناك تعليقات:

إرسال تعليق