الاثنين، 2 يناير، 2012

ضباط من أجل الثورة



نقلا عن صفحة ضباط من أجل الثورة














آخر رساله الى كل ضباط وصف وجنود الجيش المصرى.
وجدنا من الضرورى ان نوضح لكم حقائق لا جدال فيها 
من وجهه نظر المواطن الملكى/ المدنى
------------------------------------------------
فى البدايه كان ذراع المجلس العسكرى فى قمع الثورة هم (ش ع) شرطه عسكريه بزيها المعروف حتى موقعه ماسبيرو وهرس المصريين بالمدرعات.
بعدها تغير زى (ش ع) الى زى جيش المموه ( ده فى نظر المدنى ) لان فى النهايه اللى بيقمع الثوار هو المجلس العسكرى وتغيير الزى معناه بالنسبه للمدنى ان الجيش اصبح ضد الثورة والثوار ،ليس ذلك فحسب بل و موالى للمجلس العسكرى، وهنا لنا وقفه
معروف الان وعن قناعه ان (ش ع) عند القوات المسلحه تشبه الشرطه المدنيه عند المدنى بما يحمله ضدها من كراهيه وبغض بسبب افعالهم بالطبع.
استغل المجلس العسكرى هذا الموقف بعد انتشار واتساع رقعه البغض لقوات (ش ع) بان اقحم قوات عسكريه ترتدى الزى العسكرى المموه فى قمع الثورة والثوار،واحيانا البسهم لبس الداخليه كما حدث فى محمد محمود وده مؤكد.
تفتكر المجلس العسكرى ليه عمل كده؟؟!! 

على فكره الكل بيقول (ميليشيات او كتائب او قوات) طنطاوى تفتكرو ليه؟؟!! نقولكم احنا ليه .. عشان لسه عندهم شوية حب فى القلب للجيش المصرى بدون المجلس العسكرى ، فا مش بيقولوا الجيش عمل فينا كذا او كذا وبيحاولو يقصرو الجرائم الى تحدث على جزء فاسد موالى للمجلس . وكمان عشان لسه عندهم امل انكم هتحموهم وتحمو انفسكم وجيش مصر من فساد طنطاوى.

يا حضرات الضباط المجلس العسكرى اهدر سمعة العسكريه المصريه بما فعله جنوده فى الايام الاخيره بالزى المموه، رغبه منه فى اقحامكم انتم يا من رفضتم اطلاق النار على الثوار ، فى الدخول فى مواجهه مع اهلكم .. وكأنه يقول لكم ما رفضتوه فى السابق سأجعلكم تفعلوه اليوم بمكرى ودهائى... 

وكأن الشعب ده هو العدو بينما عدو الشعب وعدوكم معروف للجميع ..

عدوكم هو من يريد منكم ان تقوموا بتوجيه فوهات بنادقكم الى صدور شعبكم الذى اقسمتم على حمايته قبل ان تقسمو على حمايه الشرعيه. 
عدوكم هو من غض الطرف عن شهدائنا على الحدود طيله عقود، عدوكم هو شاهد الزور، 
عدوكم هو من انتهك الاعراض وكشف عن عذريه البنات ، 
عدوكم هو من يبيع غاز مصر برخص التراب ، عدوكم هو من طمس الحقائق واهدر حق الشهداء فى محاكمه عادله لقتلتهم، 
عدوكم هو من يقوم الان بتطويق منطقه جبل السكرى لانتاج الذهب بسياج أمنى وقد حول المنجم بالكامل الى معسكر ممنوع الاقتراب بحجه انه بيحافظ عليه عشان مصر وهو فى الحقيقه بيسرق الانتاج منه وبيتهرب بره وفلوسه بتدخل حساباتهم بره مصر، 
عدوك هو اللى بيقتل فى اهلك وبيضللك ويقولك دول خارجين عن القانون وجب قتلهم، 
عدوك هو اللى حط كل الحرميه فى مناصب كبيره فى البلد. ..... . 
عدوك هو اللى اصدر الامر بقتل الثوار فى التحرير وانت عارف ان الامر ده وقف عند قاده الكتائب والوحدات الفرعيه.

عدوك هو عقلك، خوفك، جبنك. لو انت حقيقى عايز الشعب يرجع يحبك تانى ويشيلك على اكتافه ويهتفلك ويهديك الورود .. احميه من المجلس العسكرى ومن المتواطئين معاه وقوى الفساد فى البلد وكلهم معروفين والحمد لله.

يمكن الفيديو ده يحرك فيك شيء

اللهم بلغنا .. اللهم فأشهد

ضباط من أجل الثورة
الله .. الوطن .. شرعيه الشعب

رجاء انشروها قدر المستطاع عشان توصل لكل جندى فى القوات المسلحه
 —

ليست هناك تعليقات:

إرسال تعليق